Ova-mit tablet

İstifadəsinə göstərişlər

Ova Mit hamiləlik arzusunda olan ovulyasiya problemi olan qadınların müalicəsində təyin olunur.
Ova Mitlə müalicə o vaxt effektiv olur ki, qadının ovulyasiya prosesini stimullaşdırmaq imkanı olsun və onun partnyorunun nəsil vermək qabiliyyəti olsun.
Birinci dərəcəli hipofiz çatışmazlığı olan və ya yumurtalıq çatışmazlığı olan xəstələrdə Ov Mit effektiv deyil və bu preparat yalnız ovulyasiya disfunksiyası müşahidə olunan qadınlara təyin edilir. Ova Mit yumurtalıqların disfunksiyasının səbəbi ola biləcək digər hallarda (qalxanabənzər vəzi və böyrəküstü vəzinin çatışmazlığı) əvəzedici ola bilməz.

Əks göstərişlər

Qaraciyər xəstəlikləri olan və ya tarixən qaraciyər disfunksiyası olan, endometrik karsinoma, yumurtalıq kistləri, (polisistik kistlərdən başqa), səbəbsiz uşaqlıq qanaxmaları və hamiləlik zamanı təyin olunmamalıdır.

Ehtiyat tədbirləri

Ova Mitlə müalicəyə başlamazdan əvvəl xəstələr qaraciyər xəstələri, hipofiz və ya yumurtalıq çatışmazlığı və endometrik şişləri ilə əlaqədar, diqqətlə müayinə olunmalıdırlar. Sonsuzluğun səbəbi və hər hansı səbəbsiz qanaxmaların səbəbləri
diqqətlə araşdırılmalıdırlar. Əkiz doğuş mümkünlüyü barəsində xəstələrə məlumat verilməlidir. Uzun müddətli müalicə məsləhət görülmür. Pasientlərə bildirilməlidir ki, müalicə zamanı göz simptomları da müşahidə oluna bilər.

Digər dərman vasitələri ilə qarşılıqlı təsiri
Qeydə alınmamışdır.